Kognitiv tilshunoslik sohasining asosiy termini konsept hisoblanadi. Tilda mavjud konseptlar turli davrlarda turlicha talqin qilinishi mumkin. Mumtoz adabiyotdagi konseptlar tahlili hozirgi kunda tilda mavjud konseptlarning mohiyatini anglashga zamin yaratadi. Bu borada ulug‘ mutafakkir Alisher Navoiy asarlari muhim manba bo‘lib xizmat qiladi. Ushbu maqolada “go‘zallik” konsepti mumtoz badiiy matnlardagi “qosh” tasviri misolida tahlil qilinadi. Tahlilda Alisher Navoiy g‘azallaridan namunalar olingan va ta’riflash, tavsiflash usullaridan foydalanilgan.
